Når våren kjem er det freistande å starte på eit nytt byggeprosjekt. Kanskje har du alltid drøymt om ein utebod, eit drivhus eller kanskje eit tilbygg til bustaden din? Men du kan ikkje bygge det du vil over alt. Det ligg restriksjonar knytt til avstand til sjø, vatn og vassdrag, det ligg føringar i arealdelen til kommunedelplanen og reguleringsplanar, du må ta omsyn til avstand til nabobygg og til eigedomsgrense, du må kanskje ha nytt avkjørselsløyve og ein mange andre ting. 

Direktoratet for byggkvalitet har lagt ut råd og rettleiing til deg som har planar undervegs. Dei har og laga ein liten video som kanskje kan vere til hjelp. 

Og er du i tvil bør du kontakte byggesak og kanskje ein profesjonell som kan dette frå før.